Dagur og félagar fyrstir í átta liða úrslit

Dagur Gautason og félagar í norska úrvalsdeildarliðinu ØIF Arendal tryggðu sér í kvöld sæti í átta liða úrslitum bikarkeppninnar. Þeir unnu Bækkelaget á heimavelli, 32:29, eftir að hafa verið fjórum mörkum yfir að loknum fyrri hálfleik, 18:14.

Dagur skoraði 6 mörk þar af eitt út vítakasti. Jørg William Fiala Gjermundnes var markahæstur heimamanna með 11 mörk úr 12 skotum.

ØIF Arendal komst í undanúrslit bikarkeppninnar á síðustu leiktíð. Liðið var nú fyrst liða inn í átta liða úrslit. Aðrir leikir 16-liða úrslita fara fram á sunnudaginn.