Daníel Freyr Andrésson átti stór leik í marki Lemvig-Thyborøn í fyrsta leik liðsins við Team Sydhavsøerne í umspili um sæti í dönsku úrvalsdeildinni í handknattleik á næsta keppnistímabili. Hann varði 12 skot, 50%, þann tíma sem hann stóð í marki liðsins í öruggum sigri Lemvig á heimavelli, 32:24.
Lemvig var tveimur mörkum yfir í hálfleik, 14:12. Liðið tók öll völd á leikvellinum í síðari hálfleik.
Vinna þarf tvo leiki í umspilinu til þess að öðlast sæti í úrvalsdeildinni á næstu leiktíð. Næsti leikur verður á heimavelli Team Sydhavsøerne á miðvikudaginn. Takist Sydhavsøerne-mönnum að vinna á heimavelli kemur til oddaviðureignar á heimavelli Lemvig á laugardaginn.
Lemvig lék í úrvalsdeildinni í vetur en hafnaði í neðsta sæti í keppni liðanna í neðri hluta deildarinnar sem lauk á dögunum. Team Sydhavsøerne vann umspil um keppnisréttinn í næst efstu deild.
Daníel Freyr Andrésson gengur til liðs við FH í sumar.
