- Auglýsing -

Díana Dögg fór meidd af leikvelli

Díana Dögg Magnúsdóttir. Mynd/BSV Sachsen Zwickau

Díana Dögg Magnúsdóttir, landsliðskona í handknattleik, fór meidd af leikvelli í síðari hálfleik í kvöld í leik með liði sínu, BSV Sachsen Zwickau í þýsku 1. deildinni í átta marka tapleik fyrir Thüringer HC, 32:24.


„Ég féll við og lenti illa á hægri hendinni og varð að fara út af og kom ekkert meira við sögu. Ég vona til að meiðslin séu ekki alvarleg en það skýrist betur á morgun,“ sagði Díana Dögg í svari við skilaboðum til handbolta.is í kvöld. Hún hefur leikið afar vel með Zwickauliðinu til þessa á leiktíðinni.


„Fram að því að ég meiddist hafði ég leikið vel og var búin að skora þrjú mörk og eiga sex stoðsendingar og jafn mörg sköpuð færi,“ sagði Díana sem þótti átta mark tap liðsins vera óþarflega stórt. Thüringer HC var sex mörk yfir eftir fyrri hálfleik á heimavelli, 18:12.


Auk þess sem áður var getur náði Díana Dögg tveimur fráköstum, krækja í tvo ruðninga og vinna andstæðing af leikvelli einu sinni en varð líka á bíta í það súra epli að vera einu sinni vísað af leikvelli.

Odden skoraði þrisvar

Sara Odden fyrrverandi leikmaður Hauka skoraði þrjú mörk fyrir Zwickau og átti ein stoðsendingu auk þess að vera þrjú skot.
BSV Sachsen Zwickau er enn án stiga eftir fjóra leiki eins og VfL Waiblingen.

- Auglýsing -
- Auglýsing -

Nýjustu fréttir

- Auglýsing -