Phil Döhler fór á kostum í marki FH í dag þegar liðið vann Hauka, 28:25, í úrslitaleik Hafnarfjarðarmótsins í handknattleik í Kaplakrika. Döhler varði 19 skot og var með yfir 40% hlutfallsmarkvörslu. Eins var varnarleikur FH-inga góður, ekki síst í fyrri hálfleik en að honum loknum var forskot liðsins, sjö mörk, 18:11.
FH vann þar með alla þrjá leiki sína á mótinu. Haukar unnu tvo, Afturelding einn en Stjarnan tapaði þrisvar sinnum.
Mörk FH: Birgir Már Birgisson 6, Ágúst Birgisson 5, Jakob Martin Ásgeirsson 4, Gytis Smantuaskas 4, Ásbjörn Friðriksson 3, Jón Bjarni Ólafsson 3, Egill Magnússon 2, Einar Örn Sindrason 1.
Mörk Hauka: Darri Aronsson 5, Geir Guðmundsson 4, Ólafur Ægir Ólafsson 3, Stefán Rafn Sigurmannsson 3, Brynjólfur Snær Brynjólfsson 2, Tjörvi Þorgeirsson 2, Adam Haukur Baumruk 1, Aron Rafn Eðvarðsson 1, Atli Báruson 1, Halldór Ingi Jónasson 1, Heimir Óli Heimisson 1, Þráinn Orri Jónsson 1.
Afturelding tók þriðja sætið
Afturelding vann Stjörnuna í leiknum um þriðja sætið á mótinu, 31:29. Viðureignin var afar jöfn og spennandi og var aðeins eins marks munur á liðunum að loknum fyrri hálfleik, 16:15, Aftureldingu í vil.
Frakkinn Hamza Kablouti lék ekki með Aftureldingu að þessu sinni eftir að hafa farið á kostum gegn Haukum á fimmtudagskvöld og skorað níu mörk.
Mörk Aftureldingar: Árni Bragi Eyjólfsson 8, Úlfar Páll Monsi Þórðarson 8, Þorsteinn Leó Gunnarsson 7, Guðmundur Bragi Ástþórsson 4, Stefán Scheving 3, Gunnar Kristinn Malmquist Þórsson 1.
Mörk Stjörnunnar: Leó Snær Pétursson 7, Hafþór Már Vignisson 5, Dagur Gautason 4, Hjálmtýr Alfreðsson 4, Benedikt Marinó Herdísarson 3, Starri Friðriksson 3, Jón Ásgeir Eyjólfsson 2, Kristján Helgi Tómasson 1.
