Phil Döhler fyrrverandi markvörður FH virðist hafa átt framúrskarandi leik í marki HF Karlskrona þegar nýliðarnir gerðu sér lítið fyrir og unnu næst efsta lið sænsku úrvalsdeildarinnar, IFK Skövde, 31:22, í Skövde í kvöld. Sigurinn er fremur óvæntur því Karlskronaliðið er á meðal þeirra sem eru í neðri hlutanum.
Döhler varði 14 skot, 42%. Þorgils Jón Svölu Baldursson lék með Karlskrona í leiknum. Hann skoraði ekki en var fastur fyrir í vörninni.
Dagur Sverrir Kristjánsson og Ólafur Andrés Guðmundsson voru ekki með Karlskrona í kvöld. Næsta víst er að þeir eru frá vegna meiðsla eins og í undanförnum leikjum.
Hinir nýliðarnir töpuðu
Á sama tíma tapaði hinn nýliði deildarinnar, Amo, á heimavelli fyrir IF Hallby HK, 31:30. Arnar Birkir Hálfdánsson skoraði sjö mörk fyrir Amo og var markahæstur.
Karlskrona er í 10. sæti úrvalsdeildarinnar. Liðið hefur 12 stig eftir 14 leiki, er tveimur stigum ofar en Amo.
Staðan í sænsku úrvalsdeildinni í karlaflokki:
