- Auglýsing -
- Auglýsing -
- Auglýsing -
- Auglýsing -

Dómari dæmdur í þriggja ára bann og til greiðslu sektar

Matija Gubica t.h. segir Staffan Olsson þáverandi landsliðsþjálfara Svíþjóðar að halda sér hægum. Mynd/EPA
- Auglýsing -

Matija Gubica handknattleiksdómari frá Króatíu hefur verið settur í þriggja ára bann frá dómgæslu á vegum Handknattleikssambands Evrópu, EHF. Gubica er sekur um að hafa brotið gegn siðareglum EHF og IHF, alþjóða handknattleikssambandsins.


Ekki var nánar útskýrt í hverju brotin nákvæmlega fólust en þó tekið fram að það tengist ekki hugsanlegri hagræðingu úrslita sem nokkuð hefur verið til umræðu síðasta árið og dómarar bendlaðir við.

Einnig skal Gubica greiða 6.000 evrur í sekt, jafnvirði um 950 þúsund krónur, en fær hluta felldan niður haldi hann sig á mottunni næstu tvö ár. Bannið tók gildi frá og með 1. júlí í sumar en dómurinn var birtur í gær.

Tveir úrslitaleikir í röð

Gubica hefur árum saman verið fastagestur á stórmótum handknattleiksins ásamt Boris Milosevic sem virðist hafa hreina samvisku. Þeir dæmdu m.a. úrslitaleik EM karla 2018 á heimavelli og HM árið eftir þegar Danmörk vann Noreg í Herning og varð heimsmeistari í karlaflokki í fyrsta sinn.

Gubica hefur ennfremur dæmt nokkra leiki íslenska karlalandsliðsins á stórmótum í félagsskap Milosevic.

Gubica hefur einnig verið settur af sem varaformaður félags handknattleiksdómara í Króatíu.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -