Dregið til undanúrslita í hádeginu á morgun

Dregið verður til undanúrslita í Poweradebikarnum, bikarkeppni HSÍ, í hádeginu á morgun, föstudag í Mínigarðinum. Síðasti leikur átta liða fór fram í gær þegar Valur lagði Selfoss í karlaflokki.

Í undanúrslitum í kvennaflokki eru: ÍR, Selfoss, Stjarnan og Valur.

Í undanúrslitum í karlaflokki eru: Haukar, ÍBV, Stjarnan og Valur.

Undanúrslitaleikirnir í karlaflokki fara fram í Laugardalshöll miðvikudaginn 6. mars. Daginn eftir verða undanúrslitaleikirnir í kvennaflokki á sama stað.

Úrslitaleikir Poweradebikars kvenna og karla verða háðir í Laugardalshöll laugardaginn 9. mars kl. 13.30 og 16.

Handbolti.is fylgist með framvindunni á morgun þegar dregið verður.