- Auglýsing -

Dujshebaev segist hafa verið heppinn

Talant Dujshebaev er einn sigursælasti þjálfari Meistaradeildinnar. Mynd /EPA

Talant Dujshebaev, þjálfari pólska meistaraliðsins Lomza Vive Kielce sem Sigvaldi Björn Guðjónsson og Haukur Þrastarson eru hjá, er á batavegi eftir að hafa veikst af covid 19 um miðjan desember.
Dujshebaev segist ekki hafa yfir neinu að kvarta sé mið tekið af mörgum öðrum sem hafa veikst og átt í langvarandi glímu við eftirköstin mánuðum saman. Bróðir Dujshebaev er einn þeirra. Hann veiktist illa eftir því sem fram kemur í samtali við Dujshebaev á heimasíðu Kielce-liðsins.

„Ég varð ekki alvarlega veikur. Fékk nokkurn hita en alls ekkert óeðlilega háan. Þá tapaði ég bragð og lyktarskyni en það er að koma til baka. Sem betur fer fór veiran ekki í lungun. Ég er ekki kominn að fullu til baka en miðað við marga aðra sem hafa orðið lífshættulega veikir og jafnvel týnt lífi þá er ég heppinn úr því að ég veiktist á annað borð,“ segir Dujshebaev.


Dujshebaev horfir bjartsýnn fram á nýtt ár sem sé nokkuð sem hann hafi tamið sér. Stefna Kielce-liðsins sé sú sama og áður. Ekkert verði slakað á kröfum. Leika vel og vinna öll mót heima fyrir og komast í undanúrslitahelgi Meistaradeildarinnar í vor.

- Auglýsing -
- Auglýsing -

Nýjustu fréttir

- Auglýsing -