„Ég verð tilbúin á miðvikudaginn,“ sagði Rut Arnfjörð Jónsdóttir leikmaður KA/Þórs og fyrirliði íslenska landsliðsins í dag þegar handbolti.is innti hana eftir því hvort meiðsli þau sem hún varð fyrir í viðureign KA/Þórs og Hauka í Olísdeildinni á síðasta sunudag væru alvarleg.
Rut fékk byltu í leiknum og nokkurt högg á hægri öxlina. Fyrir vikið hefur hún lítið sem ekkert tekið þátt í æfingum kvennalandsliðsins í síðustu dagana en landsliðið er ljúka nærri vikulöngum æfingabúðum Vestmannaeyjum og á höfuðborgarsvæðinu.
Fyrstu Evrópuleikirnir á heimavelli
Rut segir meiðslin ekki hafa verið alvarleg, sem betur, enda sé nóg framundan að gera hjá henni og stöllum í KA/Þór. Á miðvikudaginn sækir KA/Þór Stjörnuna heim í Olísdeild kvenna. Lítill tími verður til þess að kasta mæðinni eftir þá viðureign áður en að röðin kemur að tveimur leikjum við HC Gjorche Petrov-VHC Skopje í 2. umferð Evrópubikarkeppninnar sem fram fara í KA-heimilinu eftir viku, föstudaginn 7. og laugardaginn 8. október. Um er að ræða fyrstu heimaleiki í Evrópukeppni í sögu KA/Þórs.
Þegar Evrópuleikirnir verða yfirstaðnir taka við leikir gegn Selfossi og HK í Olísdeildinni áður en landsiðið kemur saman á mánudaginn 24. október.
