„Við erum komnar með bakið upp að veggnum eftir þennan leik en staðreyndin er sú að þetta er handboltaleikur og það er ennþá möguleiki hjá okkur. Nú er það bara næsti leikur,“ sagði hin leikreynda Þórey Rósa Stefánsdóttir leikmaður Fram eftir annað tap liðsins fyrir Haukum í undanúrslitum Olísdeildar kvenna í handknattleik á Ásvöllum í kvöld, 25:24. Haukar eru þar með aðeins einum vinningi frá því að slá Fram út úr keppni. Þriðja viðureign liðanna verður á heimavelli Fram á föstudaginn.
„Við verðum að horfa í það að við lékum mikið betur núna en í fyrsta leiknum. Engu að síður þá tel ég okkur eiga mikið inni sem við verðum að sýna í næsta leik,“ sagði Þórey Rósa Stefánsdóttir.
Lengra viðtal við Þóreyju Rósu er að finna í myndskeiði hér fyrir ofan.
Haukar eru komnir í kjörstöðu gegn Fram
Mjög sátt og stolt af liðinu að klára þetta í kvöld
Olís kvenna: Leikjadagskrá, úrslitakeppni 2025
