Einar Rafn Eiðsson hefur skrifað undir nýjan tveggja ára samning við handknattleiksdeild KA og er nú samningsbundinn félaginu keppnistímabilið 2025 á enda. Einar Rafn gekk til liðs við KA frá FH fyrir tveimur árum.
Einar Rafn hefur svo sannarlega náð sér vel á strik á keppnistímabilinu eftir að hafa átt í erfiðum meiðslum síðari hluta tímabilsins í fyrra. Hann er markahæstur í Olísdeild karla um þessar mundir með 127 mörk í 18 leikjum, er 16 mörkum á undan Einari Sverrissyni, Selfossi. Einar Rafn, sem er þrautreyndur orðinn, varð markakóngur Olísdeildar tímabilið 2015-2016 og var auk þess valinn sóknarmaður ársins tímabilið 2017-2018.
Einar Rafn skoraði 17 mörk í leik með KA gegn Gróttu síðla á síðasta ári og jafnaði markamet Arnórs Atlasonar hjá KA en fáir handknattleiksmenn hafa skoraði fleiri mörk í einum leik í efstu deild hér á landi.
Auk KA hefur Einar Rafn leikið fyrir Hauka, FH og Fram auk norska liðsins Nötteröy leiktíðina 2014/2015 þegar liðið lék úrvalsdeild.
