Einn nýliði er í fyrsta landsliðshópi Snorra Steins Guðjónssonar landsliðsþjálfara karla sem hann kynnti á blaðamannafundi eftir hádegið í dag. Nýliðinn er Einar Þorsteinn Ólafsson leikmaður danska úrvalsdeildarliðsins Fredericia HK og lærisveinn fyrrverandi landsliðsþjálfara Guðmundar Þórðar Guðmundssonar.
Haukur Þrastarson, leikmaður Kielce, er einnig valinn í hópinn en hann var síðasta með landsliðinu vorið 2022. Haukur er nýlega byrjaður að leika á ný með Kielce eftir krossbandaslit.
Einnig er Magnús Óli Magnússon kallaður inn í landsliðið á nýjan leik. Hann var síðast með landsliðinu á EM 2022 í Ungverjalandi. Var þá kallaður inn þegar covid herjaði á íslenska hópinn.
Íslenska landsliðið kemur saman til æfinga 30. október og mætir færeyska landsliðinu í tveimur leikjum 3. og 4. nóvember í Laugardalshöll.
Hópurinn er skipaður eftirtöldum leikmönnum.
Markverðir:
Ágúst Elí Björgvinsson, Ribe-Esbjerg HH (48/2).
Björgvin Páll Gústavsson, Val (256/21).
Viktor Gísli Hallgrímsson, HBC Nantes (47/1).
Aðrir leikmenn:
Arnar Freyr Arnarsson, MT Melsungen (83/92).
Aron Pálmarsson, FH (166/638).
Bjarki Már Elísson, Telekom Veszprém (103/360).
Einar Þorsteinn Ólafsson, Fredericia HK (0/0).
Elliði Snær Viðarsson, VfL Gummersbach (35/54).
Elvar Ásgeirsson, Ribe-Esbjerg HH (19/21).
Elvar Örn Jónsson, MT Melsungen (64/152).
Haukar Þrastarson, Barlinek Industria Kielce (21/22).
Janus Daði Smárason, SC Magdeburg (70/109).
Kristján Örn Kristjánsson, (Donni), PAUC (28/58).
Magnús Óli Magnússon, Val (16/7).
Óðinn Þór Ríkharðsson, Kadetten Schaffhausen (28/88).
Ómar Ingi Magnússon, SC Magdeburg (72/240).
Sigvaldi Björn Guðjónsson, Kolstad Håndball (61/167).
Stiven Tobar Valencia, Benfica (4/6).
Viggó Kristjánsson, SC DHfK Leipzig Handball (43/110).
Ýmir Örn Gíslason, Rhein-Neckar Löwen (76/35).
Þorsteinn Leó Gunnarsson, Aftureldingu (2/1).
