- Auglýsing -

Einstaklega lunkinn miðjumaður semur við nýliðana

Mynd/Hafliði Breiðfjörð

Nýliðar Harðar í Olísdeild karla halda áfram að styrkja sveit sína í átökunum á Íslandsmótinu. Í kvöld var tilkynnt á tveimur tungmálum að annar Brasilíumaður hafi skrifað undir samning við félagið og sé hann væntanlegur til Ísafjarðar þá og þegar.


Um er að ræða Jhonatan Cristiano Ribeiro Dos Santos, 24 ára gamlan miðjumann. Dos Santos kemur frá félaginu Sorocabo sem stendur eða stóð í ströngu í úrslitakeppni í brasilísku deildinni eftir því fram kemur á Facebooksíðu Harðar.


Dos Santons er sagður „einstaklega lunkinn miðjumaður, eldfljótur og góður skotmaður.“

Binda forráðamenn Harðar ríkar vonir við að Dos Santos muni leggja lóð á vogarskálarnar í baráttu liðsins í Olísdeildinni.


Hinn 2. september tilkynnti Hörður um komu brasilíska markvarðarins Emannuel Augusto Evangelista til félagsins. Hann hefur ekki fengið leikheimild hér á landi eftir því sem næst verður komist. Alltént er hann hvergi að finna á skrá á félagaskiptavef HSÍ.


Hörður sækir ÍR heim á fimmtudagskvöld og ÍBV á sunnudaginn.

- Auglýsing -
- Auglýsing -

Nýjustu fréttir

- Auglýsing -