Ekkert lát er á sigurgöngu danska meistaraliðsins Alaborg Håndbold í Meistaradeild Evrópu í handknattleik karla. Danska liðið, þar sem Arnór Atlason er aðstoðarþjálfari, vann franska liðið Nantes örugglega á heimavelli í kvöld í B-riðli keppninnar, 32:24, er þar með með átta stig að loknum fjórum leikjum eins og ungverska liðið Veszprém sem gjörsigraði Celje frá Slóveníu í Ungverjalandi, 39:24.
Alaborg var sjö mörkum yfir að loknum fyrir hálfleik, 16:9. Línumaðurinn Magnus Saugstrup var markahæstur hjá Álaborgarliðinu með sex mörk í sjö skotum.
Barcelona getur jafnað Aalborg og Veszprém að stigum í kvöld með sigri á PPD Zagreb í Barcelona.
Sigvaldi Björn Guðjónsson og samherjar í Vive Kielce unnu Meshkov Brest, 34:27, á heimavelli í A-riðli og komust þar með í efsta sæti með 6 stig eftir fjóra leiki. Flensburg er einnig með sex stig í þessum riðli en á leik til góða sem fram fer á morgun við Vardar í Skope. Brest er í þriðja sæti með fjögur stig.
Sigvaldi Björn skoraði fjögur mörk í fjórum skotum fyrir Kielce og var einn fimm markahæstu manna liðsins. Hinir voru Igor Karacic, Alex Dujshebaev, Nicolas Tournat og Artsem Karalek. Viachaslau Humak var skoraði flest mörk Brest liðsins, sex talsins.
Kielce var sjö mörkum yfir í hálfleik, 18:11.
