- Auglýsing -

Ekkert stöðvar Framara

Leikmenn Fjölnis-Fylkis tókst að vinna sér rétt í umspili Grill 66-deeildar kvenna. Mynd/Fjölnir-Þorgils

Erna Guðlaug Gunnarsdóttir og Daðey Ásta Hálfdánsdóttir fóru á kostum í gær þegar ungmennalið Fram hélt sigurgöngu sinni áfram í Grill 66-deild kvenna í handknattleik. Samtals skoruðu þær 20 af 35 mörkum Fram-liðsins sem vann Fjölni-Fylki með tíu marka mun, 35:25. Jafnræði var með liðinu eftir fyrri hálfleikinn, 14:14.


Erna Guðlaug skoraði 11 mörk og Daðey Ásta níu. Báðar voru þær í Olísdeildarliði Fram fyrr um daginn sem vann FH. Sú síðarnefnda var tekin úr umferð nánasta allan síðari hálfleikinn en hún leikur sem vinstri skytta.
Um var að ræða fjórða sigur ungmennaliðs Fram í deildinni og situr það í efsta sæti með fullt hús stiga. Fjölnir-Fylkir hefur fjögur stig eftir fjórar viðureignir.
 
Mörk Fram: Erna Guðlaug Gunnarsdóttir 11, Daðey Ásta Hálfdánsdóttir 9, Harpa Elín Haraldsdóttir 5, Margrét Castillo 4, Svala Júlía Gunnarsdóttir 3, Jónína Hlín Hansdóttir 2, Íris Anna Gísladóttir 1.

Mörk Fjölnis-Fylkis: Anna Karen Jónsdóttir 8, Ada Kozicka 4, Eyrún Ósk Hjartardóttir 3, Kolbrún Anna Garðarsdóttir 3, Katrín Erla Kjartansdóttir 2, María Ósk Jónsdóttir 2, Kristín Lísa Friðriksdóttir 1, Azra Cosic 1, Ósk Hind Ómarsdóttir 1.

- Auglýsing -
- Auglýsing -

Nýjustu fréttir

- Auglýsing -