- Auglýsing -
Ljóst er að fyrirliði Stjörnunnar, Tandri Már Konráðsson, leikur ekkert með liðinu fyrr en á næsta ári. Tandri Már staðfesti þetta við handbolta.is í gærkvöld en hann hefur ekkert leikið með Stjörnuliðinu síðan í september. Tandri Már meiddist á hné á æfingu skömmu fyrir viðureign Stjörnunnar og Hauka 11. október.
Tandri Már fór í ítarlega skoðun hjá lækni fyrir nokkru síðan í framhaldi af því að bati hafði verið hægur. Við skoðun var staðfest að um beinmar væri að ræða. Það mun taka sinn tíma að jafna sig.
Talverð skakkaföll hafa verið á liði Stjörnunnar það sem af er leiktíðar. Brynjar Hólm Grétarsson og Pétur Árni Hauksson er nýlega mættir til leiks eftir langvarandi meiðsli. Dagur Gautason, Adam Thorstensen, Þórður Tandri Ágústsson og Björgvin Þór Hólmgeirssson voru ekki með í gærkvöld gegn ÍBV auk þess sem Leó Snær Pétursson fékk högg á höfuðið í fyrri hálfleik.
- Auglýsing -
