- Auglýsing -
Ekki er öll nótt úti hjá Elvari Ásgeirssyni og félögum í Nancy um að liðið haldi sæti sínu í frönsku 1. deildinni í handknattleik þegar upp verður staðið. Nancy vann Limoges á útivelli í kvöld, 32:30. Elvar mætti til leiks í kvöld eftir að hafa verið fjarri góðu gamni í þeim síðasta. Hann skoraði tvö mörk í sex tilraunum.
Nancy er áfram neðst með 11 stig þegar liðið á tvo leiki eftir. Saran er stigi fyrir ofan og Istres er þar fyrir ofan með 13 stig. Tvö lið falla úr deildinni.
Kristján Örn Kristjánson, Donni, skoraði sex mörk í átta skotum þegar PAUC tók liðsmenn Dunkerque í karphúsið á heimavelli. PAUC vann með 13 marka mun, 34:21. PAUC situr í þriðja sæti, stigi á eftir Nantes þegar tvær umferðir eru eftir. Nantes lýkur 28. umferð annað kvöld með viðureign á heimavelli við Nimes.
Ólafur Andrés Guðmundsson var ekkert með Montpellier frekar en fyrri daginn þegar liðið vann Chartres á útivelli, 37:33.
Staðan í deildinni:
Standings provided by SofaScore LiveScore
- Auglýsing -
