- Auglýsing -
- Auglýsing -
- Auglýsing -

Ekki kvöld íslensku þjálfaranna í Danmörku

Guðmundur Þórður Guðmundsson þjálfari Fredericia HK. Ljósmynd/Hafliði Breiðfjörð
- Auglýsing -

Íslensku handknattleiksþjálfarar áttu erfitt uppdráttar í fyrstu umferð úrslitakeppni dönsku úrvalsdeildarinnar í handknattleik í kvöld. Guðmundur Þórður Guðmundsson fékk ekki við neitt ráðið og varð að sætt sig við að hans menn í Fredericia HK töpuðu fyrir Ringsted á útivell í fyrstu umferð keppninnar í efri hlutanum, 28:25.

Reka lestina

Arnór Atlason og liðsmenn TTH Holstebro töpuðu í heimsókn til SønderjyskE, 31:28. Reyndar voru liðin í neðri hlutanum að leika aðra umferð. TTH Holstebro stendur höllum sæti í neðsta sæti eftir tvo leiki neðri hluta keppninni.

Fari fram sem horfi verður TTH Holstebro að taka þátt í umspili við lið úr næst efstu deild um sæti í úrvalsdeildinnni á næstu leiktíð.

Einar skoraði þrisvar

Fredericia HK-liðið náði sér alls ekki á strik í fyrri hálfleik í Ringsted í kvöld. Liðið var undir, 13:7, eftir fyrri hálfleikinn.

Síðari hálfleikur fór í að vinna upp forskotið og tókst það ekki.
Einar Þorsteinn Ólafsson skoraði þrjú mörk fyrir Fredericia HK og átti eina stoðsendingu. Næsti leikur Fredericia HK verður við Skjern á heimavelli á þriðjudaginn.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -