„Það voru mikil vonbrigði að tapa þessum leik,“ sagði Gunnar Magnússon þjálfari Aftureldingar eftir tveggja marka tap á heimavelli fyrir Haukum í kvöld, 26:24, í Olísdeild karla í handknattleik.
„Ég var ánægður með varnarleikinn og markvörsluna. Við fengum á okkur 26 mörk og oftast nær á það að duga til þess að vinna leiki en því miður var sóknarleikurinn ekki nógu góður. Við skoruðum aðeins 10 mörk í síðari hálfleik sem er langt frá að vera viðundandi.
Sannarlega fengum við nóg af færum til þess að skora en nýtingin var ekki góð. Við vorum bara alls ekki sjálfum okkur líkir í sókninni að þessu sinni, því miður. Þrjú vítaköst fóru forgörðum og fleira má taka til sem hjálpaði ekki upp á sakirnar. Við vorum bara svolítið off sóknarlega,“ sagði Gunnar Magnússon þjálfari Aftureldingar í samtali við handbolta.is eftir leikinn.
