- Auglýsing -
- Auglýsing -
- Auglýsing -

Elín Jóna flytur á milli félaga á Jótlandi

Elín Jóna Þorsteinsdóttir landsliðsmarkvörður. Ljósmynd/Hafliði Breiðfjörð
- Auglýsing -

Elín Jóna Þorsteinsdóttir landsliðsmarkvörður hefur söðlað um og skrifað undir tveggja ára samning við danska úrvalsdeildarliðið Aarhus United. Elín Jóna lék með EH Aalborg á nýliðnu tímabili og átti stóran þátt í að liðið vann næst efstu deild og tryggði sér sæti í dönsku úrvalsdeildinni á nýjan leik eftir fjögurra ára fjarveru.

Elín Jóna segir á heimasíðu Aarhus United vera spennt fyrir að takast á við nýja áskoranir með Aarhus United og lítist vel á hugmyndir Bjarne Jakobsen íþróttastjóra.

Talsvert basl hefur verið á Aarhus United á síðustu árum en liðið varð til árið 2017 þegar SK Aarhus lognaðist út af. Síðan hefur gengið á ýmsu utan vallar sem innan. Nú stendur til að blása til sóknar og er koma Elínar Jónu einn áfanginn á leiðinni til að snúa vörn í sókn.

Elín Jóna verður þriðja íslenska landsliðskonan sem leikur með Aarhus United. Birna Berg Haraldsdóttir var í fyrsta keppnisliði félagsins 2017 og lék með því í tvö ár. Síðan var Thea Imani Sturludóttir hjá Aarhus United frá sumrinu 2020 og fram í janúar 2021.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -