- Auglýsing -
- Auglýsing -
- Auglýsing -

Elínborg Katla verður með Selfossi í Olísdeildinni

Elínborg Katla Þorbjörnsdóttir handknattleikskona á Selfossi. Ljósmynd/Umf. Selfoss
- Auglýsing -

Elínborg Katla Þorbjörnsdóttir, handknattleikskona á Selfossi og leikmaður U20 ára landsliðs kvenna hefur framlengt samning sinn við handknattleiksdeild Umf. Selfoss til tveggja ára.
Elínborg Katla var einn af lykilleikmönnumm lið Umf. Selfoss sem í vetur er leið vann Grill 66 deildina með fullu húsi stiga. Hún tók þátt í öllum leikjum liðsins. Í haust mun Elínborg hefja sitt sjötta tímabil í meistaraflokki Selfoss þrátt fyrir að vera aðeins tvítug.

Áður en keppni hefst í Olísdeildinni á Elínborg Katla eftir að taka þátt í heimsmeistaramóti 20 ára landsliða sem hefst í Skopje í næstu viku. Hún var í hópnum sem kom til Norður Makedóníu og mun búa sig undir þátttöku í mótinu, m.a. með þremur vináttuleikjum á morgun, laugardag og á sunnudag.

„Það verður spennandi að fylgjast með þessari baráttukonu í vetur og þessu skemmtilega liði sem mætt er á ný í deild þeirra bestu,“ segir m.a. í tilkynningu frá handknattleiksdeild Umf. Selfoss.

Sjá einnig:

Landsliðið er farið til Skopje – æfingamót og síðan HM

Myndasyrpa: Komin heilu og höldnu í steikjandi hita í Skopje

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -