Elvar Örn á eitt af mörkum ársins

Elvar Örn Jónsson á eitt af mörkum ársins hjá danska úrvalsdeildarliðinu Skjern. Fimm bestu eða mikilvægustu mörk liðsins á keppnistímabilsinu hafa verið valin af stjórnendum félagsins og er nú hægt að kjósa á milli þeirra á heimasíðu félagsins.

Sigurmark Elvars Arnar Jónssonar gegn TMS Ringsted er hið þriðja í röðinni en myndskeið með mörkunum er hægt að sjá á Facebook-síðu Skjern.

Elvar Örn yfirgefur Skjern í sumar eftir tvö ár og gengur til liðs við MT Melsungen í Þýskalandi.