- Auglýsing -
- Auglýsing -
- Auglýsing -

Elvar Örn markahæstur á vellinum – Teitur lét til sín taka

Elvar Örn Jónsson landsliðsmaður í handknattleik og leikmaður MT Melsungen t.v. Mynd/Hafliði Breiðfjörð
- Auglýsing -

Elvar Örn Jónsson landsliðsmaður í handknattleik átti stórleik í gærkvöld þegar MT Melsungen tryggði sér sæti í undanúrslitum þýsku bikarkeppninnar með sigri á TuS N-Lübbecke, 30:28, á heimavelli síðarnefnda liðsins. Annar Selfyssingur, Teitur Örn Einarsson, tók mikið þátt í sigurleik Flensburg á HSV Hamburg í sömu keppni. Flensburg vann með 12 marka mun í leik sem fram fór í Hamborg, 37:25.

Elvar Örn skoraði 10 mörk í 14 skotum, gaf fjórar stoðsendingar og var einu sinni vikið af leikvelli í leiknum mikilvæga í gærkvöld. Arnar Freyr Arnarsson landsliðsmaður lét einnig til sín taka og skoraði þrjú mörk í þremur tilraunum af línunni fyrir Melsungen.

Teitur Örn næst markahæstur

Teitur Örn skoraði fimm mörk í sex skotum átti eina stoðsendingu og var einu sinni vikið af leikvelli í tvær mínútur í stórsigri Flensburg, 37:25. Hann var næst markahæsti leikmaður liðsins. Daninn Simon Pytlick skorað níu mörk. Hollendingurinn Dani Baijens skoraði einnig níu mörk fyrir HSV Hamburg.

Síðustu leikirnir í dag

Tveir síðari leikir átta liða úrslita þýsku bikarkeppninnar í karlaflokki fara fram í dag. Gummersbach, sem Guðjón Valur Sigurðsson þjálfar og Elliði Snær Viðarsson leikur með, sækir Füchse Berlin heim og Magdeburg fær Rhein-Neckar Löwen í heimsókn. Íslenskir landsliðsmenn leika með báðum liðum. Rhein-Neckar Löwen vann bikarkeppnina á síðasta tímabili.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -