Slakt gengi Frakka á Evrópumeistaramóti 18 ára landsliða karla hefur vakið athygli áhugafólks um um íþróttina og mótið sem fram fer í Podgorica í Frakklandi. Síðast í morgun tapaði franska landsliðið fyrir Serbum í leiknum um 13. sætið, 28:24, eftir að hafa verið þremur mörkum undir í hálfleik, 14:11. Eftir miklu meiru var að slægjast en 13. sæti á mótsins.
Með sigrinum tryggðu Serbar sér þátttökurétt á EM 20 ára landsliða sem fram fer eftir tvö ár. Frakkar sitja eftir með sárt ennið og taka ekki þátt í EM 20 ára landsliða 2024. Ár og dagur er síðan franska landsliðið var ekki með á EM 20 ára landsliða.
Áður hafði franska landsliðið missti af þátttökurétti á HM 19 ára landsliða sem fram fer í Króatíu á næsta ári. Ellefu efstu liðin á EM í Svartfjallalandi eru örugg um farseðil á HM á næsta ári. Þar sem Króatar eru á meðal 12 efstu er ljóst að tólfta sæti á EM gefur þátttökurétt á HM að ári liðnu.
Til viðbótar er ljóst að á brattann verður að sækja fyrir Frakka að komast inn á EM 18 ára landsliða eftir slakan árangur á EM að þessu sinni. Landslið Frakka tekur þátt í undankeppni og verður væntanlega í neðri styrkleikaflokkunum þegar dregið verður til undankeppninnar.
Þess má geta að Sigurður Hjörtur Þrastarson og Svavar Ólafur Pétursson dæmdu leik Serba og Frakka í morgun. Þeim þótti takst vel upp við að halda uppi röð og reglu. Þetta var sjötti leikur Svavars og Sigurðar á mótinu.
Pólverjar unnu Ítali, 39:34, í leiknum um 15. sæti mótsins. Ítalir reka þar með lestina.
