- Auglýsing -
Markvörðurinn Ingvar Ingvarsson hefur gengið til liðs við HK á nýjan leik en HK leikur í Grill 66-deildinni. Ingvar þekkir til í herbúðum HK. Hann lék með Kópavogsliðinu leiktíðina 2018/2019 en skipti yfir til Þróttar Reykjavíkur sumarið 2019. Þróttur sendi ekki lið til keppni í meistaraflokki fyrir yfirstandandi keppnistímabil.
Fleira hefur gerst í herbúðum karlaliðs HK síðustu daga. Vinstri hornamaðurinn Einar Pétur Pétursson framlengdi á dögunum samning sinn við HK. Einar Pétur kom til félagsins frá Haukum á síðasta sumri.
Annar hornamaður, Kristján Pétur Barðason, framlengdi samning sinn við HK fyrir skömmu. Kristján Pétur er á nítjánda ári og hefur leikið stórt hlutverk í liðinu í Grill 66-deildinni á keppnistímabilinu.
Næsti leikur HK í Grill 66-deildinni verður á móti Herði annað kvöld í íþróttahúsinu á Torfnesi á Ísafirði.
- Auglýsing -
