- Auglýsing -

Enn einn sigurinn í safnið hjá Sigvalda og Janusi

Janus Daði Smárason leikmaður íslenska landsliðsins og norska liðsins Kolstad. Mynd/Hafliði Breiðfjörð

Íslensku landsliðsmennirnir Janus Daði Smárason og Sigvaldi Björn Guðjónsson voru að vanda aðsópsmiklir í kvöld þegar lið þeirra, Kolstad, vann sinn 12. leik í norsku úrvalsdeildinni í handknattleik. Kolstad lagði liðsmenn Bækkelaget, 31:23, á heimavelli eftir að hafa verið fjórum mörkum yfir að loknum fyrri hálfleik, 14:10.


Janus Daði skoraði tvö mörk og gaf átta stoðsendingar. Sigvaldi Björn skoraði fjögur mörk í fimm skotum í Kolstad Arena í kvöld.


Kolstad hefur yfirburði í norsku úrvalsdeildinni um þessar mundir og er fimm stigum á undan Drammen sem hefur auk þess leikið einum leik fleira. Drammen gerði í kvöld jafntefli við Fjellhammer á heimavelli, 28:28.


Hinn hálf íslenski Viktor Petersen Norberg skoraði fimm mörk fyrir Drammen og átti fimm stoðsendingar. Óskar Ólafsson skoraði eitt mark og átti eina stoðsendingu

- Auglýsing -
- Auglýsing -

Nýjustu fréttir

- Auglýsing -