- Auglýsing -
Róður serbneska landsliðsins í handknattleik þyngist enn í undirbúningi þess fyrir Evrópumeistaramótið í handknattleik karla. Nú eru 15 í einangrun, þar af eru níu leikmenn. Vita menn ekki sitt rjúkandi ráð orðið lengur og er lítil huggun í að landsliðsþjálfarinn losnaði úr einangrun á sunndaginn. Róðurinn þyngist dag frá degi.
Óvíst er hvernig serbenska landsliðið verður skipað þegar það mætir landsliði Úkraínu í fyrstu umferð C-riðis á fimmtudaginn í Szeged í Ungverjalandi.
Smit hafa gert mönnum lífið leitt í serbneska hópnum allt síðan hann kom saman til æfinga um áramótin. Hvorki hefur gengið né rekið að draga úr smitum. Nokkrir af þeim sem greindust fyrst er að losna úr einangrun en á meðan aðrir koma í staðinn virðist ástandið vera orðið harla erfitt.
Fjórir af þeim sem smitast hafa frá áramótum þurft að leita inn á sjúkrahús í skamman tíma. Flestir hafa verið með lítil sem engin einkenni.
Þeir sem hyggjast taka þátt í EM og hafa smitast á síðustu dögum verða að sýna fram á tvö neikvæð sýni úr PCR skimun með sólarhrings millibili áður en þeir fá að taka þátt í mótinu.
- Evrópukvöld á Hlíðarenda eru mjög skemmtileg
- Olís kvenna: Staðfestir leiktímar í undanúrslitum
- Molakaffi: Óðinn, Axel, Elías, Dagur, Sigvaldi, Róbert
- Hákon Daði verður hjá Hagen næstu þrjú ár
- Hergeir færir sig úr Garðabæ í Hafnarfjörð
- Auglýsing -
