- Auglýsing -
Sveinn Jóhannsson er ekki byrjaður að leika með nýjum samherjum sínum í danska úrvalsdeildarliðinu Skjern og var þar af leiðandi ekki í eldlínunni í kvöld á sínum gamla heimavelli þegar Skjern vann SönderjyskE, 28:26, í 16-liða úrslitum dönsku bikarkeppninnar.
Leikið var á heimavelli SönderjyskE en Sveinn lék með liðinu þrjú ár en kvaddi herbúðirnar á suðurhluta Jótlands í vor og samdi við Skjern á norðvesturhluta Jótlands.
Sveinn sagði í skilaboðum til handbolta.is í kvöld að væntanlega líði hálfur annar mánuður til viðbótar áður en að hann mætir galvaskur í slaginn með Skjern.
Sveinn meiddist afar illa á hné landsliðsæfingu skömmu fyrir Evrópumótið í upphafi ársins. Hann hefur ekki náð sér að fullu ennþá og þurfti m.a. að gangast undir aðra aðgerð á vormánuðum. Sveinn er þó farinn að sjá ljósið við enda ganganna þar sem endurhæfing hefur gengið vel.
- Auglýsing -
