- Auglýsing -
Varnar,- og línumaðurinn sterki hjá Val, Þorgils Jón Svölu-Baldursson hefur enn ekki getað leikið með Val eftir að hafa fengið þungt högg á annað hnéið í kappleik í lok september. Vonir stóðu til þess að Þorgils Jón yrði kominn á skrið þegar keppni hófst á ný í Olísdeildinni í janúar. Af því varð ekki.
„Ég fór í aðgerð í desember vegna þess að meðferð hjá sjúkraþjálfara gekk ekki. Ég er enn að ná mér eftir aðgerðina. En ég er kominn á rétt braut. Þetta er allt að koma og það styttist í mig,” sagði Þorgils Jón í skilaboðum til handbolta.is.
Auk Þorgils Jóns þá meiddist Róbert Aron Hostert í viðureign Vals og Fram á dögunum og var ekki með í leik Vals og Selfoss í gær. Einnig var Agnar Smári Jónsson ekki með Val í gærkvöld.
- Auglýsing -
