Erlendur til Fram frá Víkingi

Handknattleiksmaðurinn Erlendur Guðmundsson hefur ákveðið að ganga til liðs við Fram og er búinn að skrifa undir þriggja ára samning við félagið.

Í tilkynningu Fram er Erlendur sagður vera öflugur línu- og varnarmaður sem styrki Framliðið verulega næstu árin.
Erlendur hefur leikið með Val og Víkingi í Olísdeildinni frá áramótum á þessu ári. Þar á undan var hann um skeið með AGF Aarhus í Danmörku.

„Erlendur kom sterkur inn í Olísdeildina og sýndi styrk sinn með Víkingi svo tekið var eftir. Ég er viss um að Erlendur falli vel inn í hópinn og komi til með að styrkja lið Fram,“ er haft eftir Einari Jónssyni þjálfara karlaliðs Fram.