- Auglýsing -
Erlingur Birgir Richardsson hefur undirritað tveggja ára samning við handknattleiksdeild ÍBV og verður áfram þjálfari karlaliðsins, eins og hann hefur gert við góðan orðstír frá haustinu 2018. Undir stjórn Erlings vann ÍBV m.a. sigur í bikarkeppninni 2020 og lék til úrslita um Íslandsmeistaratitilinn í vor.
Hægri hönd Erlings við þjálfun og stjórn liðsins á næsta keppnistímabili verður Magnús Stefánsson fyrrverandi leikmaður ÍBV og fleiri félaga en Magnús rifaði seglin á handknattleiksvellinum vorið 2021.
Liðið hefur undir hans stjórn unnið bikarmeistaratitil 2020 ásamt því að vera meistarar meistaranna.
Í tilkynningu frá ÍBV segir að Magnús þurfi vart að kynna fyrir stuðningsmönnum ÍBV, eða handboltaunnendum almennt. Magnús lék um árabil með liði ÍBV með frábærum árangri ásamt því að hafa gert mjög góða hluti í þjálfun yngri flokka félagsins undanfarin ár.
Karlalið ÍBV leggur hart að sér við æfingar þessa daga og stefnir á þátttöku í hinu árlega Ragnarsmóti á Selfossi í næstu viku.
- Auglýsing -
