- Auglýsing -

Eyjamaður framlengir dvöl sína í herbúðum Gróttu

Ágúst Emil Grétarsson verður áfram í herbúðum Gróttu. Mynd/Eyjólfur Garðarsson

Hægri hornamaðurinn, Ágúst Emil Grétarsson hefur framlengt samning sinn við handknattleiksdeild Gróttu til næstu tveggja ára. Ágúst Emil sem er fæddur árið 1998 og er uppalinn hjá ÍBV er á sínu þriðja ári hjá Gróttu en hann gekk til liðs við félagið sumarið 2018 frá uppeldisfélagi sínu.

Ágúst Emil hefur leikið alla leiki liðsins í Olís-deildinni á þessu tímabili að undanskildum einum og hefur skorað átta mörk. Á síðustu leiktíð skoraði hann 42 mörk í 15 leikjum í Grill-66 deildinni.

Auk þess að spila með meistaraflokki Gróttu í Olís-deildinni hefur Ágúst Emil verið að þjálfa yngri flokka félagsins á þessu tímabili. „Það eru gleðitíðindi að hann hafi tekið þá ákvörðun að leika með Gróttu áfram næstu ár,“ segir í tilkynningu frá Handknattleiksdeild Gróttu.

- Auglýsing -
- Auglýsing -

Nýjustu fréttir

- Auglýsing -