Eyjamaðurinn er mættur á sína fyrstu æfingu

Eyjamaðurinn Hákon Daði Styrmisson mætti í morgun á sína fyrsta æfingu hjá þýska handknattleiksliðinu Gummersbach sem hann samdi við á vordögum. Fyrir hjá félaginu er annar Eyjamaður og fyrrverandi samherji Hákons Daða, Elliði Snær Viðarsson.

Undirbúningur er hafinn hjá Guðjóni Val Sigurðssyni og lærisveinum hans í 2. deildarliðinu Gummersbach eftir stutt sumarleyfi. Aðeins eru um sex vikur þar til flautað verður til leiks í deildinni. Gummersbach varð í þriðja sæti 2. deildar á síðasta keppnistímabili og var aðeins tveimur stigum frá að endurheimta sæti í deild þeirra bestu.