Færeyska landsliðið í handknattleik karla, skipað leikmönnum 19 ára og yngri, fékk höfðinglegar móttöku í Þórshöfn í gær eftir að liðið kom heim eftir að hafa náð þeim sögulega árangri að tryggja sér sæti í lokakeppni EM20 ára og yngri á næsta ári. Liðið vann B-hluta EM sem fram fór í Varna í Búlgaríu en B-keppnin fór fram í þremur hlutum.
Eins og handbolti.is greindi frá á sunnudaginn er þetta í fyrsta sinn sem færeyskt karlalandslið vinnur sér sæti á meðal 16 bestu landsliða í Evrópukeppni í handknattleik.
Piltarnir voru hylltir við ráðhúsið í Þórshöfn þar sem borgarstjórinn, Heðin Mortensen, forseti íþróttasambands Færeyja, Elin Heðinsdóttir Joensen, og Gunn Ellefsen, formaður handknattleiksambands Færeyja, tóku á móti þeim ásamt fjölmennum hópi fólks eins og sjá má á myndum sem eru af Facebook síðu Tórshavnar kommunu.
![](https://www.handbolti.is/wp-content/uploads/2021/08/240667259_4268491089853303_7313618505014785057_n-1024x683.jpg)
![](https://www.handbolti.is/wp-content/uploads/2021/08/239664103_4268491009853311_4487900943196465219_n-1024x683.jpg)
![](https://www.handbolti.is/wp-content/uploads/2021/08/240741743_4268490963186649_8994689469071131439_n-1024x297.jpg)
![](https://www.handbolti.is/wp-content/uploads/2021/08/240581400_4268491346519944_7772244267637416249_n-1024x683.jpg)