- Auglýsing -
Fanney Þóra Þórsdóttir og Sigrún Jóhannsdóttir hafa framlengt samninga sína við handknattleiksdeild FH út næsta keppnistímabil. Fanney Þóra og Sigrún hafa spilað ófáa leiki saman á fjölum Kaplakrika enda jafnaldrar og því spilað saman bæði í yngri flokkum og meistaraflokki.
Í tilkynningu handknattleiksdeildar FH segir:
„Fyrirliðinn Fanney Þóra hefur verið einn af burðarásum FH liðsins undanfarin ár, bæði í vörn og sókn. Hún er gríðarlegar öflugur karakter sem smitar út frá sér til samherja og áhorfenda með baráttuvilja sínum og keppnisskapi.
![](https://www.handbolti.is/wp-content/uploads/2022/02/s_mynd-1024x683.jpg)
Það var gríðarlegur fengur fyrir FH þegar Sigrún gekk aftur til liðs við félagið fyrir tímabilið 2021-2022, eftir nokkurra ára fjarveru. Sigrún er gífurlega útsjónarsamur leikmaður með afburða tækni og leikskilning. Hún er einnig, líkt og Fanney, mikil fyrirmynd fyrir yngri leikmenn og iðkendur.“
FH er í efsta sæti Grill66-deildar kvenna um þessar mundir og á í harðri baráttu við Selfoss og ÍR um efsta sætið sem veitir þátttökurétt í Olísdeildinni á næsta keppnistímabili.
- Auglýsing -