Fara vel af stað

Íslendingarnir hjá EHV Aue í þýsku 2. deildinni í handknattleik stimpluðu sig vel inn í dag þegar lið þeirra vann Rimpar Wölfe, 24:21, á heimavelli í fyrstu umferð deildarinnar. Aue var fjórum mörkum yfir að loknum fyrri hálfleik, 12:8.

Sveinbjörn Pétursson varð 12 skot sem gerði 36,3% hlutfallsmarkvörslu. Hann stóð í marki liðsins frá upphafi til enda. Arnar Birkir Hálfdánsson var næst markahæstur hjá Aue með fimm mörk og notaði til þess átta skot.

Báðir gengu þeir til liðs við Aue í sumar. Sveinbjörn þekkir hvern krók og kima hjá liðinu eftir að hafa leikið með því frá 2012 til 2016. Hann var markvörður Stjörnunnar síðustu ár. Arnar Birkir kom hinsvegar til liðsins frá SönderjyskE í Danmörku.