- Auglýsing -

Fataðist flugið í seinni hálfleik

Leikmenn Vængja Júpiters biðu ósigur á heimavelli í kvöld. Mynd/Vængir Júpíters

Ungmennalið Vals lagði nýliðana, Vængi Júpíters, 24:21, í Grill 66-deild karla í handknattleik í Dalhúsum í Grafarvogi kvöld þegar önnur umferð deildarinnar hófst.

Óhætt er að segja að leikmönnum Vængjanna hafi fatast flugið í síðari hálfleik eftir að hafa verið með tögl og hagldir í fyrri hálfleik, ekki síst fyrir tilstilli góðs varnarleiks. Vængirnir voru þremur mörkum yfir þegar leikurinn var hálfnaður, 11:8.

Valsmenn svifu hinsvegar hærra í síðari hálfleik. Þeir skoruðu 16 mörk gegn tíu mörkum heimaliðsins og unnu með þriggja marka mun eins og áður sagði, 24:21.

Mörk Vængja Júpíters: Aron Heiðar Guðmundsson 4, Gísli Steinar Valmundsson 3, Jóhann Gunnarsson 2, Garðar Benedikt Sigurjónsson 2, Andri Hjartar Grétarsson 2, Jónas Bragi Hafsteinsson 2, Finnur Jónsson 2, Ragnar Áki Ragnarsson 2, Albert Garðar Þráinsson 1, Brynjar Loftsson 1.

Mörk Vals U.: Einar Þorsteinn Ólafsson 12, Erlendur Guðmundsson 2, Jóel Bernburg 2, Andri Finnsson 2, Viktor Andri Jónsson 2, Tómas Sigurðarson 1, Gunnar Pétur Haraldsson 1, Þorgeir Arnarsson 1, Róbert Nökkvi Petersen 1.

- Auglýsing -
- Auglýsing -

Nýjustu fréttir

- Auglýsing -