- Auglýsing -
- Auglýsing -
- Auglýsing -

Fékk högg á fingur – er að fara í myndatöku

Aron Pálmarsson verður ekki með FH í oddleiknum. Mynd/J.L.Long
- Auglýsing -

Aron Pálmarsson, fyrirliði deildarmeistara FH, fékk högg á baugfingur hægri handar um miðjan síðari hálfleik fjórða undanúrslitaleiks FH og ÍBV í úrslitakeppninni í handknattleik í Vestmannaeyjum í gær og kom ekkert meira inn á leikvöllinn.

Í samtali við Vísir segist Aron fara í myndatöku í dag enda líður honum alls ekki vel í fingrinum. Niðurstaða myndatökunnar skýrir væntanlega hvort höggið dragi dilk á eftir sér eða ekki.

Gat ekki haldið á boltanum

„Verkurinn var það mikill að ég gat ekki haldið á boltanum eða kastað,“ segir Aron í samtali við Vísir. Hann kom ekkert við sögu í síðari hluta síðari hálfleiks né í tveimur framlengingum og vítakastkeppni varð að grípa til svo hægt væri að knýja fram hrein úrslit. Munaði svo sannarlega um minna fyrir FH-liðið að vera án Arons, eins og nærri má geta.

Úrslitaleikur FH og ÍBV um sæti í úrslitum Íslandsmótsins fer fram á sunnudaginn í Kaplakrika og hefst klukkan 19.40.

Sjá einnig:

Oddaleikur í Kaplakrika á sunnudagskvöld

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -