- Auglýsing -

Ferðin til Vestmanna var ekki til fjár

Hörður Fannar Sigþórsson. Mynd/FB-síða Harðar Fannars

Hörður Fannar Sigþórsson og samherjar hans í KÍF frá Kollafirði fóru ekki ferð til fjár í kvöld þegar þeir sóttu lið VÍF heim til Vestmanna í færeysku úrvalsdeildinni í handknattleik. Heimamenn unnu með fimm marka mun, 31:26, eftir að hafa verið þremur mörkum yfir í hálfleik, 15:12.

Hörður Fannar skoraði tvö mörk fyrir KÍF sem er í fjórða sæti deildarinnar með sex stig að loknum sjö leikjum. VÍF er í öðru sæti með níu stig, aðeins einu á eftir Neista sem Arnar Gunnarsson þjálfar. Neistin átti ekki leik í kvöld. H71 getur komist upp að hlið VÍF með sigri á Kyndli í kvöld á heimavelli. Úrslit þess leiks lágu ekki fyrir rétt áðan.

- Auglýsing -
- Auglýsing -

Nýjustu fréttir

- Auglýsing -