FH hefur samið við ungverskan markvörð Szonja Szöke til þriggja ára. Hún kemur til FH frá MTK Budapest. Szöke verður tvítug á árinu en þrátt fyrir ungan aldur hefur hún spilað síðastliðin tvö tímabil með liði MTK í efstu deild Ungverjalands. Einnig hefur Szöke verið viðloðandi yngri landsliðin, eftir því sem fram kemur í tilkynningu handknattleiksdeildar FH.
„Szonja er gríðarlega spennandi leikmaður sem við FH-ingar bindum miklar vonir við. Eftir að hafa fengið hana á reynslu var ljóst að um virkilega öflugan markmann væri að ræða sem mun án nokkurs vafa styrkja liðið okkar mikið,“ er haft eftir Ágústi Bjarna Garðarssyni, formanni handknattleiksdeildar FH í tilkynningunni sem áður er vitnað til. Í henni kemur ennfremur fram að fleiri nýrra leikmanna kunni að vera vænta til FH-liðsins á næstu vikum.
FH leikur í Grill 66-deild kvenna á næstu leiktíð eins og á þeirri nýliðnu.
