- Auglýsing -

Fimm vinningar og tvö töp hjá báðum

Leikmenn íslenska landsliðsins geta í dag tryggt sér sér farseðilinn á HM á næsta ári. Mynd/Hafliði Breiðfjörð

Landslið Íslands og Noregs mætast í leiknum um 5. sætið á Evrópumótinu í handknattleik kl. 14.30 í dag. Þau hafa hvort um sig leikið sjö leiki á mótinu fram til þessa. Niðurstaðan er sú sama hjá þeim, fimm sigurleikur og tvö töp.


Norðmenn töpuðu einum leik í riðlakeppninni, fyrir Rússum, 23:22, tap sem reyndist þeim eflaust dýrt þegar upp var staðið. Norska liðið fór af þeim sökum stigalaust áfram í milliriðil. Enn sárara var tap þeirra fyrir Svíum í lokaumferð milliriðlakeppninnar, 24:23. Svíar skoruðu fimm síðustu mörkin í leiknum og tóku sæti í undanúrslitum á kostnað norska landsliðsins.

Spánverjar unnu milliriðilinn en eftir á að hyggja þá hefði verið skárra fyrir norska liðið að tapa fyrir Spáni og vinna svo Svía. Eins og stundum áður á stórmótum þá getur skipt máli hvaða leikir tapast ekkert síður en hverjir vinnast.


Úrslit leikja landsliða Noregs og Íslands á EM 2022:

Noregur – Slóvakía 35:25.
Noregur – Rússland 22:23.
Litáen – Noregur 29:35.
Pólland – Noregur 31:42.
Þýskaland – Noregur 23:28.
Spánn – Noregur 23:27.
Svíþjóð – Noregur 24:23.


Portúgal – Ísland 24:28.
Ísland – Holland 29:28.
Ísland – Ungverjaland 31:30.
Danmörk – Ísland 28:24.
Frakkland – Ísland 21:29.
Ísland – Króatía 22:23.
Svartfjallaland – Ísland 24:34.


Leikjadagskrá EM föstudaginn 28.janúar:
5. sæti: Ísland – Noregur, kl. 14.30.
Undanúrslit: Spánn – Danmörk, kl. 17.
Undanúrslit: Frakkland – Svíþjóð, kl. 19.30.

- Auglýsing -
- Auglýsing -

Nýjustu fréttir

- Auglýsing -