Landslið 15 þjóða eru örugg um sæti í milliriðlakeppni heimsmeistaramótsins í handknattleik fyrir þriðju og síðustu umferð riðlakeppninnar sem hefst klukkan 17 í dag í A, B, C og D-riðlum. Níu sætum er óráðstafað.
Línur liggja alveg fyrir í C og E-riðlum keppninnar hvernig sem leikir lokaumferðanna fara. Þótt svo ólíklega fari að Úrúgvæmenn vinnu Svía í kvöld þá sitja þeir alltaf eftir vegna þess að þeir töpuðu fyrir Brasilíu og Grænhöfðaeyjum og eru þar með með lakari stöðu í innbyrðis leikjum.
Sömu sögu er að segja um Alsírmenn. Þeir reka lestina í E-riðli þótt þeir vinni Þjóðverja á morgun, nokkuð sem er fyrirfram ósennilegt, þá verður það hlutskipti Alsír að leika um forsetabikarinn, sæti 25 til 32.
Lið eftirtalinna þjóða eru örugg um sæti í milliriðlum HM. Innan sviga eru þeir víst er að reka lestina.
A-riðill: Spánn.
B-riðill: Slóvenía og Frakkland.
C-riðill: Svíþjóð, Brasilía og Grænhöfðaeyjar, (Úrúgvæ).
D-riðill: Ungverjaland og Portúgal.
E-riðill: Þýskaland, Serbía, Katar, (Alsír).
F-riðill: Noregur og Holland.
G-riðill: Egyptaland.
H-riðill: Danmörk.
Liðin úr A og B-riðlum taka sæti í milliriðli eitt. (Kraká)
Liðin úr C og D-riðlum fara í milliriðil tvö. (Gautaborg)
Liðin úr D og E-riðlum fara í milliriðil þrjú.(Katowice)
Liðin úr F og G-riðlum taka sæti í milliriðli fjögur. (Malmö)
Staðan, úrslit og næstu leikir á HM
