- Auglýsing -
- Auglýsing -
- Auglýsing -

Fimmti sigurinn hjá Þóri – vinna Evrópubikarinn

Þórir Hergeirsson landsliðþjálfari Evrópumeistara Noregs. Ljósmynd/EPA
- Auglýsing -

Evrópumeistarar Noregs, undir stjórn Þóris Hergeirssonar, vann ungverska landsiðið með 15 marka mun, 33:18, í Asane Arena í Ulset í Noregi í kvöld í Evrópubikarkeppninni í handknattleik. Þar með tryggði norska landsliðið sér sigur í keppninni sem þátttakendur eru í auk Noregs landslið þjóðanna þriggja sem verða gestgjafar Evrópumótsins undir lok þessa árs; Austurríki, Ungverjaland og Sviss.


Ein umferð er eftir af Evrópubikarnum en fyrir hana á laugardaginn þá hefur norska liðið fjögura stiga forskot á Ungverja sem eru í öðru sæti. Norska landsliðið sækir Sviss heim í síðustu umferð í Saalsporthalle í Zürich.

Ungverska landsliðið náði aldrei að sýna sitt rétta andlit í leiknum við það norska í Ulset en alla jafn ætti munurinn ekki að vera svona mikill. Til að bæta gráu ofan á svart fyrir Ungverja sýndu markverðir norska landsliðsins allar sínar bestu hliðar.

Kristiansen komin á fulla ferð

Veronica Kristiansen er byrjuð að leika á fullri ferð með norska landsliðinu á ný eftir að hafa fætt barn á síðasta sumri. Hún var markahæst í kvöld með fimm mörk. Marit Røsberg, Camilla Herrem og Henny Reistad skoruðu fjögur mörk hver.

Silje Solberg fór á kostum í norska markinu og varði 15 skot, 50%. Marie Skurtveit leysti Solberg af og varði einnig mjög vel, alls sex af níu skotum sem hún fékk á sig.

Viktória Gyori-Lukács skoraði sex mörk fyrir ungverska landsliði og var markahæst.

Evrópubikarkeppni kvenna:
Austurríki – Sviss 26:29 (11:13)
Noregur – Ungverjaland 33:18 (16:11).
Sviss – Noregur 6. apríl.
Ungverjaland – Austurríki 6. apríl.

Staðan:

Noregur5500197:12210
Ungv.land5302156:1566
Sviss5203144:1704
Austurríki5005129:1780
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -