- Auglýsing -
- Auglýsing -
- Auglýsing -

Fjögur lið með fullt hús stiga eftir þrjár fyrstu umferðir

Leikmenn ungverska liðsins hafa ekki haft oft ástæðu til þess að fagna í leikjum Meistaradeildar fram til þess að á keppnistímabilinu. Mynd/EPA
- Auglýsing -

Fjögur lið hafa unnið allar sínar viðureignir í þremur fyrstu umferðum Meistaradeildar kvenna í handknattleik. Þar á meðal er danska liðið Ikast sem vann Evrópudeildina í vor. Danska liðið gefur ekkert eftir í B-riðli og lagði spútniklið Meistaradeildar á síðasta ári, Rapid Búkarest, í Rúmeníu um liðna helgi með átta marka mun, 35:27.


Ikast er m.a. tveimur stigum á undan Evrópumeisturum síðustu þriggja ára Vipers frá Noregi og dönsku meisturunum Esbjerg.
Slóvenska liðið Krim Ljubljana hefur einnig byrjað keppnina af miklum myndugleika og unnið þrjár fyrstu viðureignir sínar.

Í A-riðli hefur þýska meistaraliðið Bietigheim farið vel af stað og unnið þrjá fyrstu leikina. Reyndar byrjaði liðið einnig vel í fyrra en missti dampinn þegar á leið. Hvort lærdómur var dreginn af því kemur í ljós á næstunni.

Sænska meistaraliðið Sävehof og pólsku meistararnir Lubin hafa átt erfitt uppdráttar fram til þessa. Margt bendir til þess að róður liðanna verður áfram þungur.

Til viðbótar hefur slakt gengi hins rótgróna ungverska félags, FTC (Ferencváros) vakið athygli. FTC lék til úrslita í Meistaradeildinni í vor.

Úrslit helgarinnar

A-riðill:
DVSC Schaeffler – Bietigheim 26:36 (12:18).
CSM Búkarest – Györ 23:27 (12:14).
Brest Bretagne – Odense 25:26 (11:13).
Buduconst – Sävehof 31:30 (17:16).

Standings provided by Sofascore

B-riðill:
Zaglebie Lubin – Vipers Kristiansand 20:34 (9:16).
Krim Ljubljana – FTC (Ferencváros) 32:26 (15:10).
Esbjerg – Metz 29:27 (16:17).
Rapid Búkarest – Ikast 27:35 (11:20).

Standings provided by Sofascore
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -