Fjölnir/Fylkir mætti Íslandsmeisturum KA/Þórs í síðasta leik 16-liða úrslita Coca Cola-bikarsins í handknattleik kvenna í Dalhúsum kl. 15 í dag.
KA/Þór vann örugglega með tíu marka mun, 36:26, eftir að hafa verið 11 mörkum yfir í hálfleik, 21:10.
Munurinn á liðunum var eðlilega mikill. Annað liðið er Íslandsmeistari en hitt var um miðja Grill66-deild kvenna á síðustu leiktíð.
KA/Þór krækti þar með í síðasta lausa sætið í átta liða úrslitum bikarkeppninnar og mætir Stjörnunni í TM-höllinni í Garðabæ á þriðjudagskvöld. Aðrir leikir átta liða úrslita fara fram sama kvöld.
Í átta liða úrslitum Coca Cola-bikars kvenna mætast:
Víkingur – FH.
Stjarnan – KA/Þór.
ÍBV – Valur.
Haukar – Fram.
Fylgst var með leiknum í stöðuuppfærslu hér fyrir neðan.