Nýbakaðir Ragnarsmótsmeistarar í karlaflokki, Grótta, vann HK með eins marks mun, 30:29, í síðasta leik UMSK-móts karla í handknattleik í Hertzhöllinni á Seltjarnarnesi í kvöld. Þar með hafnaði Grótta í þriðja sæti UMSK-mótsins á eftir Aftureldingu og Stjörnunni. HK rak lestina, tapaði öllum þremur leikjum sínum.
Þetta var fjórði sigur Gróttumanna í röð en þeir unnu þrjá leiki á Ragnarsmótinu á Selfossi í síðustu viku.
Ísfirðingurinn, Jón Ómar Gíslason, sem gekk til liðs við Gróttu í sumar skoraði sigurmark leiksins þegar hálf önnur mínúta var til leiksloka í hörkuspennandi og jafnri viðureign þar sem vart mátti á milli liðanna sjá.
HK var tveimur mörkum yfir að loknum fyrri hálfleik, 17:15.
Mörk Gróttu: Ágúst Ingi Óskarsson 5, Jakob Ingi Stefánsson 5, Jón Ómar Gíslason 4, Antoine Óskar Pantano 3, Hannes Grimm 3, Andri Fannar Elísson 2, Ágúst Emil Grétarsson 2, Elvar Otri Hjálmarsson 2, Ólafur Brim Stefánsson 2, Ari Pétur Eiríksson 1, Kári Kvaran 1.
Varin skot: Shuhei Narayama 13, Einar Baldvin Baldvinsson 10.
Mörk HK: Kristófer Ísak Bárðarson 7, Ari Sverrir Magnússon 3, Aron Gauti Óskarsson 3, Jón Karl Einarsson 3, Kristján Ottó Hjálmsson 3, Kári Tómas Hauksson 2, Kristján Pétur Barðason 2, Sigurður Jefferson Guarino 2, Elías Björgvin Sigurðsson 1, Hjörtur Ingi Halldórsson 1, Sigurvin Jarl Ármannsson 1, Pálmi Fannar Sigurðsson 1.
Varin skot: Sigurjón Guðmundsson 9, Róbert Örn Karlsson 4.
Lokastaðan í UMSK-móti karla.
