- Auglýsing -
Kórdrengir, sem leika í Grill66-deild karla, færa sig um set á keppnistímabilinu sem er framundan. Þeir verða með bækistöðvar á Ásvöllum í Hafnarfirði, heimavelli Hauka. Á síðasta keppnistímabili léku Kórdrengir heimaleiki sína í Digranesi en stunduðu æfingar víðsvegar um höfuðborgarsvæðið m.a. í Digranesi, eftir því sem næst var komist.
Kórdrengir segja frá flutningi sínum úr Kópavogi til Hafnarfjarðar á samfélagsmiðlum í dag.
Þar með er ljóst að Kórdrengirnir eru ekki af baki dottnir en ýjað var að því í spjallþætti á dögunum að lausatök væru á undirbúningi liðsins.
Kórdrengir sækja HK heim í Kórinn í Kópavogi í 1. umferð föstudaginn 23. september.
Kórdrengir sendu lið til keppni í fyrsta sinn í Grill66-deildinni á síðasta keppnistímabili og hafnaði það í áttunda sæti.
handbolti.is nýtur ekki opinbers rekstrarstuðnings.
- Auglýsing -
