- Auglýsing -
Handknattleikskonan Sara Dögg Hjaltadóttir hefur samið við norska 1. deildarliðið Gjerpen sem hefur bækistöðvar í Skien í Þelamörk í Noregi. Forsvarsmaður félagsins staðfestir komu Söru Daggar til félagsins á dögunum í staðarblaði í Skien. Ekkert er hinsvegar staf um komu hennar að finna á heimasíðu félagsins.
Sara Dögg, sem lék með Fjölni hér heima áður en hún fór til Noregs, hefur undangengin tvö ár leikið með Volda sem Halldór Stefán Haraldssson hefur þjálfað síðustu fimm ár með góðum árangri.
Gjerpen hefur verið í hópi bestu liða 1. deildarinnar eins og Volda. Liðið var í þriðja sæti þegar keppni var hætt í janúar vegna kórónuveirunnar, stigi á undan Volda.
- Auglýsing -
