Leikmenn Selfoss 2 fór tveimur stigum ríkari heim úr Myntkaup-höllinni að Varmá í kvöld eftir að hafa lagt liðsmenn Hvíta riddarans, 35:28, í níundu umferð Grill 66-deildar karla. Enn er Hvíti riddarinn án sigurs á heimavelli í deildinni.
Selfoss-liðið var með yfirhöndina í leiknum frá upphafi til enda. Fremstur liðsmanna var Hákon Garri Gestsson. Hann fór á kostum og skoraði 14 mörk.
Með öflugum upphafskafla í leiknum lagði Selfoss-liðið grunn að sigrinum. Liðið skoraði fimm af fyrstu sex mörkunum. Forskotið náðu leikmenn Hvíta riddarans aldrei að vinna upp að gagni. Selfoss var með fimm marka forskot, 21:16, þegar fyrri hálfleikur var á enda.
Hvíti riddarinn situr í áttunda sæti með stigin sín sem öll hafa unnist á útivelli. Selfoss færðist upp í 5. sæti með 10 stig, stigi fyrir ofan Hörð sem á leik til góða.
Mörk Hvíta riddarans: Adam Ingi Sigurðsson 10, Haukur Guðmundsson 5, Andri Freyr Friðriksson 3, Kristján Andri Finnsson 3, Alexander Sörli Hauksson 2, Aron Valur Gunnlaugsson 2, Jökull Ari Sveinsson 2, Daníel Bæring Grétarsson 1.
Varin skot: Sölvi Þór Daníelsson 9.
Mörk Selfoss 2: Hákon Garri Gestsson 14, Anton Breki Hjaltason 6, Kristján Emanuel Kristjánsson 3, Ragnar Hilmarsson 3, Skarphéðinn Steinn Sveinsson 3, Guðjón Óli Ósvaldsson 2, Bjarni Valur Bjarnason 1, Dagbjartur Máni Björnsson 1, Jónas Karl Gunnlaugsson 1, Jón Valgeir Guðmundsson 1.
Varin skot: Ísak Kristinn Jónsson 13.
