- Auglýsing -
„Við fórum aðeins fram úr okkur svo ég tek því rólega í einhvern tíma og held áfram að styrkja öxlina,” sagði Janus Daði Smárason, landsliðsmaður í handknattleik við handbolta.is. Í gær var greint frá því að Janus Daði leiki ekki með Göppingen í þýsku 1. deildinni um tíma vegna eymsla sem hann finnur fyrir í hægri öxlinni.
Janus Daði gekkst undir aðgerð á öxlinni í lok janúar. Eftir það tók við endurhæfing sem stóð fram í september þegar keppni hófst í þýsku 1. deildinni. Nú bendir ýmislegt að farið hafi verið of snemma af stað og endurhæfingu því haldið áfram til að styrkja öxlina.
„Það er erfitt að segja til hversu lengi það verð við að styrkja öxlina,” sagði Janus Daði ennfremur í skilaboðum til handbolta.is.
- Auglýsing -
